എനിക്ക് മുന്നിൽ നീ ഒരു കടലായി ...............

നീ ..............

പറഞ്ഞാലും തീരാത്ത,,,,,,,,,,,
പറഞ്ഞു തീർക്കാനാവാത്ത ഒന്ന് .

നിന്നിൽ  നിന്നും തുടങ്ങാത്ത,,,,,,,,,
നിന്നിലേക്കവസാനിക്കാത്ത ,,,,,,,,,,,
ഒന്നുമേ ശേഷിക്കുന്നില്ലല്ലോ എന്നിൽ !!!!!

നിന്റെ ഇഷ്ടങ്ങളോട് ഇന്നെനിക്ക്
നിനക്കുള്ളതിനെക്കാൾ ഇഷ്ടം.


പാറപ്പുറത്ത് ആരുടെയൊക്കെയോ പേരുകൾ ഒരിക്കലും മാഞ്ഞു പോവരുതെന്നു കരുതി എഴുതി വെച്ചിരിക്കുന്നു .
ഏതൊക്കെയോ കമിതാക്കളുടെ പ്രണയ വികൃതി !!!!
എനിക്ക് മുന്നിൽ  നീ ഒരു കടലായി ...............
അങ്ങ് ദൂരെ നിന്ന് തിരകളുടെ പൊങ്ങി താഴലുകളിൽ ഒരു വഞ്ചി മെല്ലെ മെല്ലെ വരുന്നത് അവിടെയിരുന്ന് നോക്കി ഏറെ നേരം .
ഞാനോർത്തു .
ഞാനുമൊരു തോണിയാണ് .
നിന്നിലേക്ക്‌ മാത്രം ഒഴുകാനിഷ്ടപ്പെടുന്ന ഒരു തോണി.
നിനക്കിഷ്ടപ്പെട്ട കടൽ  തീരം.
നിനക്കിഷ്ടപ്പെട്ട കാഴ്ച .
നിന്റെ സ്വപ്നങ്ങളെ അറിഞ്ഞ തിരമാലകൾ.
നിന്റെ കണ്ണീരൊളിപ്പിച്ച മണൽ തരികൾ.


കടൽ നിശബ്ദമായിരുന്നു.
ഒച്ച വക്കാതെ ഓരോ തിരകളും എന്റെ പാദങ്ങളെ പുണർന്നു  കൊണ്ടിരുന്നു.
ഓരോ പിൻവാങ്ങലിലും, അവയിൽ  നിറഞ്ഞ വിങ്ങൽ ............
അത് നിന്റെ വിരഹത്തിന്റെ മാത്രമായിരുന്നു.
ഓരോ തിരിച്ചു വരവിലും അറിഞ്ഞ അവയുടെ ആവേശം ........
അത് നിനക്കെന്നോടുള്ള തീരാത്ത സ്നേഹമായിരുന്നു.

സ്വപ്‌നങ്ങൾക്ക്  സഞ്ചാര മാർഗം തേടാനായി  അറ്റമില്ലാത്ത കടലിലേക്ക്  കണ്ണുകൾ കാഴ്ച ഉറപ്പിച്ചു .
അതിലൂടെ മറ്റൊരു ലോകത്തേക്ക് പോകാൻ കൊതിച്ച മനസ്സ് ഇടക്കെപ്പോഴോ മിഴികളെ ആകാശത്തേക്ക് ഉയർത്തി  വച്ചു .
ഒരു ചുംബനത്തിനായി ആകാശം കടലിലേക്കിറങ്ങുകയാണോ
അതോ
കടൽ ആകാശത്തിലേക്ക് പടർന്നു കേറുകയാണോ ,,,,,,,,,,,
ആകാശം നിറയെ ദേശാടനപക്ഷികൾ ഒരുമിച്ചു പറക്കുന്നത് കണ്ടു .
കൂട്ടത്തിൽ  ഒന്ന് മാത്രം ഒറ്റയ്ക്ക് ......
അത് ഞാൻ തന്നെ അല്ലെ????
എനിക്കെന്തോ വേദന തോന്നി .

ना कोई उमंग है .....
ना कोई थरंग है .....
मेरी जिंदगी है क्या .....
एक कटी  पतंग है .....

നീ നടന്ന വഴികളിലൂടെ വീണ്ടും ................
നിന്റെ പാദങ്ങളുടെ നോവറിഞ്ഞ മണൽ  തരികൾ ..................
നിന്റെ ശ്വാസത്തിന്റെ ചൂടറിഞ്ഞ വായു ..............
നിന്റെ മണമറിഞ്ഞ കാറ്റ് ..............