ഹൃദയം നിറയുന്ന പ്രണയം പകരാന്‍ വാക്കുകള്‍ക്കാവുന്നില്ല!!!

പ്രണയം നല്‍കുന്ന നിമിഷങ്ങള്‍ എത്ര മനോഹരമാണ്!!!!!!

പ്രണയത്തിന്റെ വിങ്ങലുകളും,വിഹ്വലതകളും അനുഭവിച്ചറിയേണ്ടത് തന്നെ .

പ്രണയം നല്‍കുന്ന മുറിവുകളുടെ വേദനയും അങ്ങനെ തന്നെ.

ഒരിക്കലും ഉണങ്ങാത്ത മുറിവ്.

അന്ന് നീയെനിക്ക് തന്നതും അങ്ങനെ ഒന്നാണ്.

സൂര്യ രശ്മികള്‍  പാത്തും പതുങ്ങിയും വരുന്ന ,

കാറ്റ് വീശുമ്പോള്‍  ഇലകള്‍ വീഴുന്ന ,

ഇരു വശവും തേക്ക് പൂത്ത വഴിയിലൂടെ നിന്റെ ഇടം കയ്യില്‍ എന്റെ വലം കൈ കോര്‍ത്ത്‌ പിടിച്ചുകൊണ്ടൊരു യാത്ര.
അതൊരു  സ്വപ്നമാണ് .
ഒരിക്കലും നടക്കാനിടയില്ലാത്ത ആ സ്വപ്നം അതിങ്ങനെ ആവണം.

നിലമ്പൂരിലെ കാടുകളുടെ സൌന്ദര്യം നമുക്കൊരുമിച്ച് ആസ്വദിക്കണം.

പാറക്കെട്ടുകള്‍ ക്കിടയിലെ തെളിനീര്‍ കയ്യിലെടുത്ത് പരസ്പരം തെറ്റിച്ച് തല്ലു കൂടണം.

കാടിന്റെ സംഗീതത്തില്‍ നമ്മുടെ പ്രണയം മൌനം ശ്രുതി മീട്ടി പാടുമ്പോള്‍  അത് കേട്ട് കണ്ണുകള്‍  അടച്ചു കൊണ്ട് നമുക്ക്  പരസ്പരം പുറം ചാരി ഇരിക്കണം.

മലമുകളിലെ പേരറിയാ മരത്തില്‍ ആരോ തീര്‍ത്ത ഏറു മാടത്തില്‍ കേറി ,
ഞാന്‍ കയ്യില്‍ കരുതിയ ഞാവല്‍ പഴങ്ങള്‍  നമുക്ക് പങ്കിട്ടു കഴിക്കണം.
കുയിലിന്റെ കൂവലിന് എതിരായി ഞാന്‍ മൂളുമ്പോള്‍ നീയെന്നെ കളിയാക്കണം.

ഒടുവില്‍ നീയെന്നെ നിന്റെ നെഞ്ചോട്‌ ചേര്‍ത്ത് പിടിക്കുമ്പോള്‍ ഞാന്‍ ഉറക്കെ വിളിച്ചു പറയും,

നിന്നെ ഞാന്‍ ഒരുപാട് സ്നേഹിക്കുന്നുവെന്ന്.
ഏറു മാടത്തിന്  മുകളില്‍ ഇരുന്നിരുന്ന, നാകമോഹന്‍  പക്ഷികള്‍ ഇത് കേട്ട് കൌതുകത്തോടെ നമ്മെ നോക്കണം.

പക്ഷെ ,
എന്റെ സ്വപ്നങ്ങള്‍ക്ക്  നിറം നല്‍കാന്‍...................................................
എന്റെ മൌനത്തിനു സംഗീതം നല്‍കാന്‍..............................................................
എന്റെ പ്രണയത്തിന്റെ ഗന്ധമറിയാന്‍................................
നീ?????????????