"നീയെന്തിന് എന്നെ ഇത്രയേറെ പ്രണയിക്കുന്നു????????????????"

ഒരു നിമിഷത്തില്‍ ഉതിര്‍ന്ന എന്‍റെ കണ്ണുനീര്‍,തൊട്ടടുത്ത  നിമിഷത്തില്‍  നീയെങ്ങനെ ചിരിയാക്കി മാറ്റി?????

നിന്‍റെ പ്രണയം ഇത്രമേല്‍ ശക്തമോ?

നീയെന്തിന് എന്നെ ഇത്രയേറെ പ്രണയിക്കുന്നു???????????

നീ എന്നുമെന്നോടും, ഞാന്‍ ഇല്ലാത്തപ്പോള്‍ നിന്നോടും ഈ ചോദ്യം ചോദിച്ചു കൊണ്ടേയിരുന്നു.

നിനക്ക് കിട്ടിയോ അതിനുള്ള ഉത്തരം?

ചില ചോദ്യങ്ങള്‍ക്ക് ഉത്തരമില്ല.

അതെന്നും ചോദ്യമായി തന്നെ അവശേഷിക്കും.

എവിടെയോ വായിച്ചിരുന്നു,ചിലര്‍ ഹൃദയത്തില്‍ വളരെ വേഗം സ്ഥാനം പിടിക്കും.

ഒരു നോക്കുകൊണ്ടോ,വാക്ക് കൊണ്ടോ,ചിരി കൊണ്ടോ അങ്ങനെ ഒക്കെ.

അത് ശരിയാണ്.

ഇപ്പോള്‍ ഞാന്‍ എന്നോട് തന്നെ ചോദിക്കുകയാണ്.

നീയെങ്ങനെയാണ് എന്‍റെ ഹൃദയത്തില്‍ സ്ഥാനം പിടിച്ചത്?????

അതും ഒരു ചോദ്യമായി ശേഷിച്ചു.

അങ്ങനെ ഉത്തരമില്ലാത്ത ചില ചോദ്യങ്ങള്‍ ഹൃദയത്തോട് ചേര്‍ത്ത് വെച്ചിട്ടുണ്ട്.

മനസ്സില്‍ സന്തോഷം നിറയ്ക്കുന്ന ചില ചോദ്യങ്ങള്‍.

ഒരു മഴക്കാറ്റ്‌ എന്‍റെ അടുത്തേക്ക് ഓടിയെത്തുന്നു.

അതിനൊപ്പം നിന്നെ കുറിച്ചുള്ള ഓര്‍മ്മകളും.

എനിക്ക് മുന്നിലും എന്‍റെ ഉള്ളിലും ഒരു മഴ പെയ്തൊഴിയാന്‍ പോവുന്നു.

അല്ല,പെയ്തൊഴിയുകയല്ല,തോരാതിരിക്കുകയാണ് വേണ്ടത്.

ഇരുണ്ട ആകാശത്തില്‍ മഴ മേഘങ്ങള്‍ ഒളിപ്പിച്ച സൂര്യനോടൊപ്പം നീയും ഒളിച്ചിരിക്കുകയാണോ?

നിന്‍റെ പ്രണയം എന്റെയുള്ളിലെ പ്രകാശമാണ്.

മനസിന്‍റെ നേരാണ്.

നന്മയാണ്.

വാക്കുകള്‍ കൊരുക്കുവാന്‍ ഞാനിവിടെ ഇരിക്കുമ്പോള്‍ എനിക്ക് മുന്നില്‍ ഒരു കവിത പോലെ ഇതാ മഴ പെയ്യുന്നു.

ജനലിലൂടെ വലതു കൈ നീട്ടി ചൂണ്ടുവിരല്‍ കൊണ്ട് ഞാന്‍ തൊട്ടു ഈ മഴയെ.

മഴയുടെ സ്പര്‍ശനം നീ തൊടുന്ന പോലെ തന്നെ.

എഴുതുവാന്‍ ഇനിയെനിക്കാവില്ല.

മഴയിലൂടെ എന്നെ തേടി വന്ന നിന്നെ നോക്കി ഞാന്‍ ഇരിക്കട്ടെ.

എന്‍റെ നെറുകയില്‍ നിന്‍റെ പ്രണയം ഇറ്റു വീഴുമ്പോള്‍,

നിന്‍റെ നെഞ്ചില്‍ മുഖം ചേര്‍ത്ത് നമുക്കൊന്നിച്ച് ഈ മഴ നനയണം.

ഒരു അതിശയണ്ടായി.

പറയട്ടെ.

കാലം തെറ്റി വീണ്ടും നാകമോഹന്‍ എന്നെ തേടിയെത്തി.

ആകാശത്തൊരു മഴമേഘത്തെ കണ്ടാല്‍ എങ്ങോ പോയി മറയുന്ന അത് ഈ മഴയിലും എന്തിനെ എന്നെ തേടി...................???????????

ഇപ്പോള്‍ ഞാന്‍ ചോദിക്കട്ടെ....!!!!

"നീയെന്തിന് എന്നെ ഇത്രയേറെ പ്രണയിക്കുന്നു????????????????"