ഒരു സ്വപ്നം ,,,,,,,,,,,,,,,

മഴ വിരിയിച്ച പൂക്കളെ നോക്കി നിന്നപ്പോള്‍ സങ്കടം വന്നു.

ഒരു നിമിഷം കൊണ്ട് വിരിഞ്ഞു മറ്റൊരു നിമിഷം കൊണ്ട് പോയ്‌മറയുന്നുവല്ലോ ഈ മഴ പൂക്കള്‍ എന്നോര്‍ത്ത്.

തെക്കോര്‍ത്തെ ചുവരും ചാരി മഴ നോക്കി നിന്നപ്പോള്‍ കൈനീട്ടി വിരല്‍ തുമ്പില്‍ കിട്ടിയ മഴ മുത്തുകളെ ചുവരില്‍ ഒട്ടിച്ച് നിന്‍റെ മുഖം ഉണ്ടാക്കാന്‍ നോക്കി.

ഒരു കാറ്റ് വന്നു അതില്‍ മഴ നൂലുകളെ വാരിയെറിഞ്ഞപ്പോള്‍ മാഞ്ഞു പോയ നിന്‍റെ മുഖം.

കാറ്റിന്‍റെ ആ കുസൃതി കണ്ടപ്പോള്‍ എനിക്ക് ചിരി വന്നു.

വിരല്‍ തുമ്പിലെ നിന്നെയല്ലേ മായ്ക്കാന്‍ കഴിഞ്ഞുള്ളു.

മനസിലെ നിന്നെ മായ്ക്കാന്‍ നിന്നെ പറഞ്ഞു വിട്ട ദൈവത്തിനു പോലും ആവില്ലല്ലോ എന്ന് ഞാനാ കാറ്റിനോട് ചോദിച്ചു.

പുലരികളിലെ മഞ്ഞില്‍ നിറഞ്ഞ്,നീ എനിക്കരികില്‍ വരുന്നത് എന്തിനാണ്?????

എന്‍റെ നിദ്ര അത്രമേല്‍ സുന്ദരമോ?????

ഞാനുറങ്ങുമ്പോള്‍ എനിക്കരികില്‍ ഒരു കുഞ്ഞു നക്ഷത്രമായി നീ ഉള്ളത് ഞാന്‍ അറിയാറുണ്ട്.

ആ ചൂടില്‍,പ്രകാശത്തില്‍ എത്ര  മനോഹരമെന്നോ  എന്‍റെ നിദ്ര.

കണ്ണ് തുറക്കുമ്പോഴേക്കും നീയെങ്ങോട്ടെയ്ക്കാണ് പോയ്‌ മറയുന്നത്???ഒളിച്ചിരിക്കുന്നത്???????

നിന്‍റെ സാന്നിധ്യം അറിയാന്‍ എനിക്കെന്തിനാണ്‌ എന്‍റെ കണ്ണുകള്‍,

എന്‍റെ നാസിക,

എന്‍റെ കൈ വിരലുകള്‍ !!!!!

എനിക്കെന്‍റെ മനസ് മതി,എന്‍റെ ഹൃദയം മതി.

ആത്മാവ് കൊണ്ട് അറിഞ്ഞവരല്ലേ നമ്മള്‍!!!!!!!!!!!!!!!!!

ചിലപ്പോള്‍ ഒക്കെ എനിക്കെന്‍റെ ഹൃദയതാളം നിലച്ചതായി തോന്നാറുണ്ട്.

അപ്പോഴൊക്കെ ഞാന്‍ "എങ്ങനെ ജീവനോടെ" എന്ന് എന്നോട് തന്നെ ചോദിക്കും.

എന്‍റെ പ്രാണന് നിന്‍റെ ഹൃദയമിടിപ്പായാലും മതി.

ഒരു മോഹം സാധിപ്പിച്ചു തരാമോ??????????

ഇന്നലെ ഞാന്‍ കണ്ട സ്വപ്നം,

സ്വപ്നത്തിലെ ഞാന്‍,അതാണ്‌ എനിക്ക് നേരാകേണ്ടത്.

പലനിറമുള്ള ,നിറയെ പൂക്കള്‍ പതിച്ച ഒരു തൊപ്പി.

കയ്യില്‍ ഒരു കുഞ്ഞു പൂക്കൂട,അതില്‍ നിറയെ ലില്ലി പൂക്കള്‍...

മഴവില്ല് വിരിഞ്ഞ ഒരു നീണ്ട ഉടുപ്പ്.

അവിടവിടെ വെള്ളി മേഘങ്ങള്‍ പതിച്ചിട്ടുണ്ട്.

രണ്ടു കുഞ്ഞു നക്ഷത്ര കമ്മലുകള്‍.,

കയ്യില്‍ മയില്‍‌പീലി കൊണ്ടുണ്ടാക്കിയ വള,

കഴുത്തില്‍ ഒരു വെള്ള പളുങ്ക് മാല.

മുള പൂക്കള്‍ വിരിച്ച വഴിയിലൂടെ ഈ ഞാന്‍ എങ്ങോട്ടോ നടന്നു പോകുന്നു.

മുന്നില്‍ കനത്ത മഞ്ഞു മാത്രം.

ഇതായിരുന്നു ആ സ്വപ്നം.

എനിക്കേറെ ഇഷ്ടമായി.

ഒരിക്കല്‍ നീ വരച്ച ഞാന്‍ അങ്ങനെയൊക്കെ അലങ്കരിക്കപ്പെട്ടിരുന്നു.

പക്ഷെ ആ ചിത്രം നീ പൂര്‍ത്തിയാക്കിയില്ല.

എന്‍റെ കണ്ണുകളെ നീ വരച്ചേയില്ല.

എന്തേ മുഴുമിപ്പിക്കാത്തെ എന്ന് ചോദിച്ചപ്പോള്‍ നീ പറഞ്ഞു.

"ഇല്ല ;നിന്‍റെ കണ്ണുകളുടെ മനോഹാരിത വരയ്ക്കാന്‍ എനിക്കൊരിക്കലും ആവില്ല"യെന്ന്.

അന്ന് ഞാന്‍ പറഞ്ഞ ഉത്തരം ഇപ്പോള്‍ വീണ്ടും പറയട്ടെ????

എന്‍റെ കണ്ണുകളുടെ ഭംഗി എനിക്ക് നിന്നോടുള്ള പ്രണയത്തിന്‍റെ അലയടിക്കുന്ന കടല്‍ ആണ്.

ആ കടല്‍ ആണ് ഭംഗി.

അത് നിന്‍റെ പ്രണയം എനിക്ക് തന്നതാണ്.

അപ്പോള്‍ ....................
എന്‍റെ കണ്ണുകളുടെ സൌന്ദര്യം നീ നല്‍കിയത് തന്നെ.