ഇത്രയ്ക്കൊന്നും ആരും ആരെയും...................

എവിടെപ്പോയി .........
നിനക്കായ് മാത്രം എന്നിൽ നിന്നും പെയ്തു കൊണ്ടിരുന്ന വാക്കുകളുടെ  പെരുമഴ ??????

എവിടെപ്പോയി..........
നിന്റെ പ്രണയമറിയിക്കാൻ വേണ്ടി എന്നെ തേടിയെത്തിയിരുന്ന  നാകമോഹൻ പക്ഷി??????

എവിടെപ്പോയി...........
തേക്കുപൂക്കൾ  ചിതറി വീണ വഴിയിലൂടെ ഒറ്റയ്ക്ക് നടക്കുമ്പോൾ എനിക്ക് മാത്രം കേൾക്കാൻ വേണ്ടി  കാറ്റിലൂടെ നീ മൂളിയിരുന്ന ആ സംഗീതം??????

ഈ മഴക്കാലത്തെ മഴയും പെയ്തു തോർന്നിരിക്കുന്നു .

"ഒടുവിലൊരു മഴയുടെ അവസാന തുള്ളികൾ കൈക്കുടന്നയിലാക്കി എന്റെ പെണ്ണേ......ഞാൻ നിന്നെ തേടി വരു"മെന്ന നിന്റെ വാക്ക്.............
അതിൽ മനസർപ്പിച്ച ഞാൻ..................
 പിന്നെ പിന്നെ ഓരോ മഴക്കൊടുവിലും നിന്നെ പ്രതീക്ഷിക്കാൻ തുടങ്ങി.

ഓരോ മഴയും പെയ്തൊഴിയുമ്പോൾ .....

അവ വീണ്ടും കാർമേഘങ്ങൾ ആകുന്നത് എന്റെ കരളിലും 

പെയ്യുന്നതെന്റെ കണ്ണുകളിലുമാണ് .
ഓരോ മഴയ്ക്കൊടുവിലും മാനം തെളിയുമ്പോൾ ഇരുളുമായിരുന്നു എന്റെ മനസ്സ് .

അതെ,,,,,,,,,
നീയെന്നിൽ പെയ്യുന്നത് എന്നുമൊരു  "കണ്ണീർ മഴയായ് .............."!!!!

എങ്കിലും ...............
നിന്നിൽ  നനയാതെ വയ്യ .
കരയാതിരിക്കുവാനും!!!!

നീലക്കുറിഞ്ഞികൾ  നിറയുന്ന താഴ്വാരത്ത് അടഞ്ഞ മിഴികളിൽ നിറയുന്ന നിന്റെ സ്വപ്നങ്ങളെ നോക്കിയിരിക്കാൻ എനിക്കേറെയിഷ്ട മാണ് .

ഒരു ചില്ലു കുപ്പിയിൽ   നിറയെ വെള്ളാരം കല്ലുകൾ ...............
ഒരു ചേമ്പിലക്കുമ്പിളിൽ നിറയെ മഴത്തുള്ളികൾ ഉമ്മ വെച്ച ലാങ്കി ലാങ്കി പൂവുകൾ ............
ഇവയൊക്കെ  സമ്മാനങ്ങളായി കൈകളിൽ  കരുതിക്കൊണ്ട് എന്നിലെക്കെത്തുന്ന നീ!!!!!!
എന്റെ  സ്വപ്നങ്ങളിൽ ഒന്നാണ്.

ഇത്രയേറെ നീയെന്തിനെന്നെ പ്രണയിക്കുന്നു??????
ഇത്രയേറെ നിന്നെയെങ്ങനെ ഞാൻ പ്രണയിക്കാതിരിക്കും????

ഓരോ പുലരിയിലും കണ്ണിനു കണ്ണായി നിറയുന്ന അരിപ്പൂക്കളും,മുക്കുറ്റിയും ,തുമ്പയും വരാനിരിക്കുന്ന ഓണനാളുകളെ ഓർമിപ്പിച്ചു കൊണ്ട് എന്റെ മുന്നിൽ വിരിഞ്ഞു നിൽക്കുമ്പോൾ ........
എന്റെ  കണ്ണുകൾക്ക് കടലാഴമെന്ന് പറഞ്ഞ നിന്നെ.................
ആ കടലിലെ സ്നേഹം  സ്വന്തമാക്കിയ നിന്നെ................
നിന്നെ സ്നേഹിച്ചു മതിയാവുന്നേയില്ലല്ലോ !!!!!!!!!!!
 ഓരോ നിമിഷവും ഒരായിരം മടങ്ങായി കൂടിക്കൊണ്ടെയിരിക്കുന്നു .
ഇനിയാർക്കും പങ്കു വെക്കില്ലെന്നും പറഞ്ഞ് ഉള്ളത് മുഴുവനും ഒരു മഴ പോലെ നിന്നിൽ പെയ്യുകയാണ്.
നിന്നോടുള്ള എന്റെ സ്നേഹത്തോട് എനിക്ക് തന്നെ അസൂയ തോന്നുന്നു.
മറ്റെന്തിനെക്കാളുമധികം ഞാനത് ആസ്വദിക്കുന്നു.

ഇത്രയ്ക്കൊന്നും ആരും ആരെയും...................
അല്ലെ?????????????????????